Shkenca pas qëndrueshmërisë së përjetshme të smaltit të dhëmbëve. Trupat tanë kanë aftësi të jashtëzakonshme për t’u shëruar dhe rikuperuar nga lëndimet, lëkura dhe kockat janë shembuj të shkëlqyer…
Shkenca pas qëndrueshmërisë së përjetshme të smaltit të dhëmbëve.
Trupat tanë kanë aftësi të jashtëzakonshme për t’u shëruar dhe rikuperuar nga lëndimet, lëkura dhe kockat janë shembuj të shkëlqyer të kësaj fuqie rigjeneruese. Megjithatë, kur bëhet fjalë për smaltin e dhëmbëve, historia është ndryshe. Ndryshe nga indet e tjera, smalti i dhëmbëve nuk mund të rigjenerohet dhe kaviteti i gojës paraqet një mjedis sfidues.
Sa herë që hamë, smalti ynë i nënshtrohet një trysnie të jashtëzakonshëm dhe i ekspozohet ndryshimeve drastike të pH dhe temperaturës. Pavarësisht këtyre kushteve të vështira, smalti i dhëmbëve që formohet gjatë fëmijërisë na shoqëron gjatë gjithë jetës.
Studiuesit kanë qenë prej kohësh të intriguar se si smalti arrin të qëndrojë dhe të mbetet i paprekur gjatë gjithë jetës. Në studimin e fundit, profesoresha Pupa Gilbert nga Universiteti i Wisconsin-Madison dhe ekipi i saj hulumtojnë mbi këtë pyetje, duke kërkuar të kuptojnë se si smalti nuk shkatërrohet.
Sekretet e smaltit
Në bashkëpunim me studiues në Institutin e Teknologjisë të Massachusetts (MIT) në Cambridge dhe Universitetin e Pittsburgh, PA, profesor Gilbert kreu një ekzaminim të thellë të strukturës së smaltit.
Gjetjet e tyre janë publikuar në revistën Nature Communications.
Smalti përbëhet nga shufra smalti, të përbërë nga kristale hidroksiapatiti. Këto shufra smalti janë jashtëzakonisht të holla, me përmasa rreth 50 nanometra të gjerë dhe 10 mikrometra të gjatë.
Duke përdorur teknologjinë më të fundit të imazhit, shkencëtarët vizualizuan me sukses shtrirjen e kristaleve individuale brenda smaltit të dhëmbëve. Kjo teknikë e avancuar, e njohur si harta e kontrastit të imazhit nëpërmjet polarizimit (PIC), u zhvillua nga Prof. Gilbert.
Përpara hartës PIC, studime të tilla të detajuara të smaltit ishin të pa realizueshme. Prof. Gilbert thekson se kjo teknologji përparimtare i lejon studiuesit të matin dhe të vizualizojnë njëkohësisht, me ngjyra, orientimin e nanokristaleve të panumërta individuale, duke ofruar një pasqyrë të jashtëzakonshme të strukturës së komplikuar të smaltit.